Ordo ad purificandum mulierem

Taken from a Pontifical kept in Trinity College, Cambridge, also printed in the Manuale Eboracense

Adolph Franz, Die kirchlichen Benediktionen im Mittelalter Vol. II. Freiburg im Breisgau: Herder, 1909

Primo induat se episcopus more duplicis festi in loco sibi praeparato, et impositis capa cum mitra acceptoque baculo pastorali procedat ad ostium ecclesiae, praecedentibus ipsum aqua benedicta et duobus ceroferariis; et eundo cum ministris suis dicat psalmos sequentes (Pss. 120, 122).

Kyrie.

Preces:

Omnipotens, sempiterne deus, qui hanc feminam de pariendi periculo liberasti, in seruitio tuo fac eam esse deuotam, ut temporali cursu fideliter peracto, sub aliis misericordiae tuae continue requiescens quietem perpetuam consequatur.

Deinde aspergat eam aqua benedicta dicendo: In nomine patris etc. Quo facto accipiens episcopus mulierem per dextram manum in manu sua introducat eam in ecclesiam sic dicendo:

Ingredere in templum dei uiui et ora filium uirginis Mariae, qui dedit tibi fecunditatem prolis pariendae, ut concedat tibi uitam aeternam et uias in saecula saeculorum. Amen

Deinde praecedat episcopus cum ministris suis mulierem sic introductam usque ad altare, ubi missa solemniter debet celebrari; et in eundo dicat cum ministris suis hos psalmos (Pss. 66 ,127).

Preces:

Oremus. Omnipotens sempiterne deus, maiestatem tuam supplices exoramus, ut, sicut unigenitus filius tuus cum nostre carnis substantia in templo est praestatus, ita mulierem istam post partum purificatam tibi clementer morte devicata facias paresentari.

Tunc procedat episcopus in missa. Qua dicta benedicat panem hoc modo: Benedicte. R. Dominus.

Bendedic, domine, istam creaturam panis, sicut benedixisti quinque panes in deserto, ut omnes gustantes ex eo accipant tam corporis quam animae sanitatem.

Deinde procedens ad mulierem det sibi panem et data benedictione sua recedant omnes in pace.

Nota quod mulieres post prolem emissam, quandocunque ecclesiam intrare voluerint actuarae gratias, purificari possunt et nulla proinde peccati mole gravatur; nec ecclesiarum illis aditus est denegandus, ne poena illis converti videatur in culpam. Si tamen ex veneratione voluerint aliquamdiu abstinere, devotionem earum non credimus improbandam.



This text marked up by Michael Fraser, April 1995