Astudiaeth Gymraeg

Nod yr ymchwil yw dysgu mwy am sut mae pobl yn siarad Cymraeg mewn sefyllfaoedd anffurfiol.

Gallwch wirfoddoli...

• os ydych chi’n 18 mlwydd oed neu hŷn.
• os mai Cymraeg ydy eich mamiaith (dysgoch Gymraeg adref yn ystod eich plentyndod cynnar).
• os oes gennych fynediad i gyfrifiadur a chysylltiad gwe dibynadwy.
• os fedrwch wrando ar recordiadau sain (h.y. nid ydych yn fyddar neu'n drwm eich clyw, mae eich cyfrifiadur yn gallu chwarae ffeiliau sain, ac mae gennych rywle tawel i gyflwyno’r arbrawf).

Rydym yn deall y gall fod yn siomedig peidio bod yn gymwys i gymryd rhan. Gosodir cyfyngiadau cymhwysedd er mwyn lleihau amrywioldeb yn y data. Rydym wedi cyfyngu'r cymhwysedd yn y ffordd hon gan mai un o'r pethau yr ydym am ei astudio yw effaith ardal plentyndod unigol ar sut mae pobl yn defnyddio'r Gymraeg.

Byddwch chi’n gwrando ar gyfres o recordiadau sain sydd yn cynnwys pâr o frawddegau byr. Byddwn ni’n gofyn i chi roi sgôr i'r ail frawddeg, yn adlewyrchu os ydych yn ei hystyried yn frawddeg Gymraeg derbyniol ai peidio. Does dim atebion cywir nac anghywir, rydyn ni â diddordeb yn y ffordd rydych chi'n defnyddio'r Gymraeg mewn sefyllfaoedd anffurfiol bob dydd, yn hytrach na’r hyn y byddai llyfr gramadeg yn ei ddweud. Felly, does dim angen i chi fod wedi dysgu Cymraeg mewn cyd-destun ffurfiol. Bydd hyn yn cael ei egluro eto, gydag enghreifftiau, ar ddechrau'r arbrawf Ni ddylai'r arbrawf ddim cymryd mwy na 30 munud.

Nac oes. Mae'r astudiaeth yn wirfoddol, a gallwch chi dynnu allan ar unrhyw adeg drwy gau'r tab porwr.

Ar gyfer yr ymchwiliad, nid ydym yn gofyn i chi am ddata a allai ddatgelu eich hunaniaeth. Rydym yn gofyn am:

• y sgôr rydych yn ei roi i bob brawddeg
• eich oed (o fewn amrediad o 5 mlynedd)
• eich hunaniaeth rhywedd
• pryd (yn fras) y dechreuoch ddysgu Cymraeg
• y rhanbarth lle cawsoch eich magu
• y rhanbarth(au) lle cawsoch eich rhiant/rhieni/gwarcheidwad/gwarcheidwaid cael eu magu (opsiynol)
• y rhanbarth yng Nghymru lle rydych chi'n byw nawr neu os ydych chi'n byw tu allan i Gymru
• pa mor aml ydych chi’n defnyddio Cymraeg

Os hoffech dderbyn cerdyn rhodd, mae rhaid i ni gasglu ychydig o fanylion sydd yn datgelu eich hunanaiaeth:

• eich enw
• eich cyfeiriad ebost

Ar diwedd yr holiadur, byddwch yn derbyn dolen i rannu eich cod cyfranogwr, enw, a’ch cyfeiriad e-bost trwy Microsoft Forms, er mwyn derbyn eich cerdyn rhodd. Mae hyn yn opsiynol.

Ni chedwir cyfeiriad IP eich cyfrifiadur.

Ni fydd eich enw na'ch cyfeiriad e-bost yn cael eu storio gyda gweddill y data ymchwil. Ni ellir cysylltu eich atebion â'ch enw a'ch cyfeiriad e-bost ond trwy eich côd cwblhau unigryw, a fydd yn cael ei ddileu ar ôl 12 mis. Ar ôl hyn, bydd eich data yn ddienw. Bydd eich enw a'ch cyfeiriad ebost dim ond yn cael eu defnyddio er mwyn sicrhau eich bod yn derbyn eich cerdyn rhodd.

Bydd gan y cyhoedd fynediad at y data dienw:

• Bydd data'r ymchwil hwn yn cael ei ddefnyddio mewn cyhoeddiadau academaidd, gan gynnwys traethawd doethuriaeth, cyflwyniadau cynadleddau, adroddiadau ar gyfer sefydliadau allanol, gwefannau a fideos.
• Cedwir data'r ymchwil dienw mewn cronfa ddata ar-lein am o leiaf tair blynedd ar ôl cyhoeddi neu ryddhau'r gwaith ymchwil, lle y gall ymchwilwyr eraill ei weld.
• Gallai gweinyddwyr systemau PCIbex Farm (gwefan yr abrwaf) weld eich atebion.

Data a allai ddatgelu eich hunaniaeth:

• Yr ymchwilwyr, Frances Dowle, David Willis a Louise Mycock: yr holl ddata
• Gweinyddwyr systemau Microsoft Forms: cod cyfranogwr, enw a chyfeiriad e-bost
• Y cwmni yr ydych chi'n dewis i dderbyn cerdyn rhodd ganddo: enw a chyfeiriad e-bost yn unig.

Bydd eich enw a'ch cyfeiriad e-bost yn cael eu rhannu â'r cwmni yr ydych yn dewis er mwyn ichi gael derbyn eich cerdyn rhodd oddi wrthynt. Gallwch ddarllen polisïau preifatrwydd y cwmnï perthnasol sy'n amlinellu sut yr ydynt yn defnyddio'r data hwn, yma:

• Argos
• Asda
• One4All
• Tesco, Café Nero, Decathlon
• Sainsbury's

Y prif reolwr data o ran eich data personol yw Prifysgol Rhydychen (The University of Oxford) ac felly bydd y Brifysgol yn penderfynu sut mae eich data personol yn cael ei ddefnyddio yn yr ymchwil. Bydd y Brifysgol yn prosesu eich data personol at ddiben yr ymchwil a amlinellwyd uchod. Tasg ein bod yn perfformio er budd y cyhoedd yw ymchwilio. Ceir mwy o wybodaeth am eich hawliau o ran eich data personol ar gael yma (yn Saesneg yn unig).

Cafodd y prosiect ymchwil hwn ei adolygu gan is-bwyllgor Cyd-bwyllgor Moesau Ymchwil Canolog Prifysgol Rhydychen [Cyfeirnod Cymeradwyaeth Moeseg : R86744/RE001].

Os oes gennych bryder am unrhyw agwedd ar yr ymchwil hwn, cysylltwch â’r ymchwilydd doethur Frances Dowle (frances.dowle@ling-phil.ox.ac.uk, yn Gymraeg neu Saesneg) neu y cyfarwyddwyr, David Willis (david.willis@ling-phil.ox.ac.uk, yn Gymraeg neu Saesneg) a Louise Mycock (louise.mycock@ling-phil.ox.ac.uk, yn Saesneg yn unig), a byddwn yn gwneud ein gorau i ateb eich ymholiad.

Byddwn yn cydnabod eich neges o fewn 10 diwrnod gwaith gan ddweud wrthych sut y byddwn yn ymdrin â hi. Os byddwch yn parhau i fod yn anhapus neu os hoffech chi gyflwyno cwyn ffurfiol, cysylltwch â `Chair of the Social Sciences & Humanities Interdivisional Research Ethics Committee’ Prifysgol Rhydychen yn Saesneg, a fydd yn ceisio datrys y mater cyn gynted â phosibl.

Ebost: ethics@socsci.ox.ac.uk

Cyfeiriad: Research Services, University of Oxford, Boundary Brook House, Churchill Drive, Headington, Oxford OX3 7GB