Das Registrum Meister Michels von Würzburg

In gotes namen amen

Hie hebt sich an daz registrum vnd der Segel des buches daz renn[er] genant ist Meister Huges vo[n] Tri[m]berg ze franken geborn da mit ma[n] begriffet vnd auch snelliclich bi der zal der ordenung da bi vindet swaz vnd wo in dem selben buche lobeliches getihtet ist.

.I. Zv dem ersten stet die vor rede des selben buches Ren- ner genant wanne ez sol rennen durch die lant (V. 1).

.II. Dar nach hebt sich an daz selb buch vnd sagt von den su[e]nden vnd zu dem ersten von der hohfart vnd wie die ersten menschen Adam vnd Eua von hohfart wegen in vngehorsamkeit gevallen sint leider irn nachkome[n] ze erblich[er] schvldikeit vnd hebt daz an gar schon ze sagen in p[ar]abels wise vnd in ein[er] gelichnu[e]sse wise von einem birbavme vf einem gru[e]nen reine bi eine[m] wilden dorn ob eine[m] brunne[n] vn[d] lachen uf ein[er] wunneclichen heide (V. 105).

.III. Uon der hoffart dorn vnd gesinde (V. 269).

.IV. Von den wilden vnd vnstete[n] meiden vnd von den meiden die vnzitic zu manne komen oder die man in kloster gibt und von u[e]beln vn[d] guten wiben (V. 309).

.V. Uon der hoffart wise vnd war an si leit vnd von pfaffen rittern vnd gebauren wie sie gesit sin vo[n] nature (V. 463).

.VI. Uon bo[e]ser herren hof gesinde vnd amptlu[e]ten hoffart vn[d] vnzuht (V. 523).

.VII. Uon d[er] herre[n] geitigen Ratgeben [ae]rtzten vnd Juristen vnd von hofslicken vnd hofwarten vnd da bi ein mere von zwein hunden vn[d] vo[n] den gotsgaben vnd von der symonie vnd glihsenheit (V. 648).

.VIII. Ditz ist ab[er] von bo[e]sen karge[n] vnd vnworhaftigen herren vnlob (V. 857) vnd von geistlichen p[re]laten vn[d] pfaffen die niht almusen den arme[n] gebent (V. 960) vnd lant vnd leute mit krige verderbe[n]t vnd da bi vil merklich rede vnd von den vnedeln die durch adels oder herschaft wegen in nu[e]we wapen tihten vnd machen vnd von der armen levte raub vnd brant vnd morderie die da von vf ersten vnd von der landes herren lob vn[d] von nach griffigen amptlu[e]ten d[er] h[er]ren vnd von andern guten merklichen spru[e]chen die daruf gen.

.IX. Uon den hoftuschern vnd auch der bo[e]sen h[er]ren vntugent- lichen reten vnd da bi von den alten singern vnd tihtern mang[er]- ley vnd von d[er] landes herren lere got ze danken v[e]mb ir ere vnd von ir cleglichen haus not vnd tode (V. 1127).

.X. Uon gebaurs leuten vnd wa von edel vnd vnedel lu[e]te kumen sein vnd auch von halb ritt[er]n vnd halb edeln knehten vnd vo[n] rich[er] vnd grozzer kv[e]nge vnd herren namen vnd ein bispel dar uf vo[n] mule vnd uf ir fru[e]nde scheller vnd krieger vnd von klin- kart reichart vn[d] Gebhart (V. 1309).

.XI. Wje gebaurs levte zu edelinge[n] sich gefru[e]nden als gep vnd rupreht da von komen zwitorn halb edelknehte vnd gikelfech geslehte der manik wunderlich name hie beschriben sin (V. 1565).

.XII. Wa von ein arm man armen lu[e]ten neher schere so er ein vogt oder ein amptman wirt vnd da von ein gelichnu[e]sse von einem Ruch vn[d] von bosen amptlevten vnd ratgeben vnd der firwitzze vnd vnstetikeit vn[d] von virwitzzigen vnstetigen herren vnd ir diener lon vnd von der nu[e]wen hant vnd von der lu[e]te witzze vnd vnwitzze vnd von wunderlichen iunge[n] herren vnd irn ratgeben vnd von bo[e]s[er] herren smaichern vnd anweisern vn[d] ir armen lu[e]te abnemern (V. 1713).

.XIII. Uon der pfaffen in der gemeine leben vnd von dem almusen vn[d] der pfaffen gotsgaben pluraliteten vnd ir geitikeit vnd affenheit da bi vil guter gelichnu[e]sse vnd spru[e]che vn[d] auch von der priest[er] ampt (V. 2281).

.XIV. Uon den clo[e]stern vnd geistlicher lu[e]te leben vnd darvf genuch hystorien vnd ein bispel von drein bilgrinen dem wolfe dem fuhse vnd dem esel die auch bedevten Tvmme p[re]laten vnd vno[e]rdenlich closter lu[e]te vn[d] auch von derselben vnd auch d[er] tummen pfaffen eben in hoffart glihsenheit vnd v[e]ppikeit vnd da bi gut[er] rede vnd lere genuch vnd von Clost[er] levte vngedu[o]lt vnd der Capitel Bru[e]d[er] vntreuwe valscheit vnkust vnd gescheidikeit vnd von zwair weibe schelten vf schande capitel bru[e]der vnd ein gelichnu[e]sse von eine[m] to[e]rohten iungen weibe eins weisen mannes zu einem snu[o]delohten iungen herren vnd von tumme[n] p[re]late[n] wie die alle vallen in der hoffart dorn vnd in and[er] totlich[er] su[e]nden missetat (V. 2889).

.XV. Uon den siben torsu[e]nden in der gemeine vnd dar vf ein vorrede von einem drihaubtigen slange[n] vnd dar nach besunder von der geitikeit vnd von ir zu geho[e]ren vnd amptluten vnd gesinde von den leider mangerlaye levte vallen von dem bavme vnd dem Reyne der tugent in die lachen der vntugent da von sie sere swachen vnd von den bo[e]sen geitigen wirten vnd da bi vil fruhtberlich[er] vnd merklicher rede vnd lere vnd auch daru[e]ber mere vnd gelichnu[e]sse von dem fuhse vnd von dem storche vnd auch von der velt vnd Bu[o]rgmaus vnd swaz allez daz bedev[o]te vnd von nach redern vnd schedlichez schimppfen vnd aber von den wirten vnd gesten vnd ir zuht vnd vnzuht vnd vil guter rede vnd lere vnd vo[n] den die vzzen sint wirte vnd da heyme gast vnd daru[e]ber ein merklich bispel von der ameyzzen vnd de[n] haymen vnd daru[e]ber auz der heilige[n] schrift hystorien genuch (V. 4325).

.XVI. Hje rennet Meister havg ab[er] vu[e]rbaz in vil gute gemeine rede vnd lere vnd beschreibet ein mere darvf von der tauben vnd der [ae]glestern vnd vnd swaz die bedevte[n] vnd auch darnach von seitenspil vnd auch von der heiligen schrift buchen vnd auch darnach vil lerleicher spru[e]che vnd dar uf auch ein mere von zwein eseln vnd swaz auch die bedevten (V. 5697).

.XVII. Von den vier elementen vnd dar uf vnd darnach auch vil guter rede vnd lere da mit vns der geitikeit vnd vntugent ze rinne vnd an tugenden vnd an zu[e]hten vns mu[e]zze gelingen (V. 6053).

.XVIII. Uon der Rauber vnd der diebe geitikeit vnd von der reysen vnbescheidenheit vnd schedlicheit vnd von den lant twingern vn[d] vo[n] nach redern von schachern vnd von mordern von schiltknehten vn[d] arme[n] buben vnd wie man der erslagene[n] schintvezzel gedenket vnd von tum[m]er lu[e]te hoffart mutwille vnd geitikeit vnd irem schallen vnd droen vf ir fru[e]nde vnd daruf gut[er] spru[e]che genuk vnd dar vf auch ein peispel von einem esel der sich in eines leben havt vneselt vn[d] von der vnrehtikeit der meineide ban vnd ehte vnd daruf guter rede vn[d] spru[e]che genuk (V. 6727).

.XIX. Aber von der geitikeit die all[er] su[e]nden Panyr treit vnd von fu[e]rkauffe symonie satzzunge sa[n]trocke vnd gesuch d[er] geitikeit vnd von swinden gewinnern vnd geitigen luten vil guter rede vnd spru[e]che vnd daruf ein mere von eines geitigen rihters tempel vnd dar nach von der frazheit vn[d] geitikeit vnd ein mere vnd ein gelichnu[e]sse von einer cleine[n] vnd grozze[n] mu[e]ln vnd dar nach vil guter rede sprüche vnd lere von der geitikeit (V. 7551).

.XX. Von der werlde rihteren scheppfen vnd fu[e]rsprechen vnd von irm leben guter spru[e]che vil darnach von den Juristen vn[d] Judisten vnd von irem leben vnd darv[e]b[er] vil gut[er] spru[e]che vnd lere vn[d] auch ein mere von Judisten vnd auch gute lere daruf (V. 8275).

.XXI. Uon vnrehten gewaltigern vnd vo[e]gten von trewe vnd vntrewe vnd von Bu[e]rglichen kirchen vnd kircho[e]fen vnd von d[er] fu[e]rsten schirmen vnd su[e]nderlich von dem Babest vnd dem kayser vn[d] von des hofes ze Rome lauffe vnd von seiner geitikeit vnmazze vn[d] vo[n] dem lasterbleche daz da heizzet vn (V. 8905).

.XXII. Ein gut vor rede von eine[m] weisen manne so er altet vn[d] ab nimet vnd von mangerlay geben vnd leben dev div werlde von got hat vn[d] dar nach vil guter merklich[er] rede von frazze trinkern luderern spilern vnd vnkevschern vnd von suche vnd gebresten die da vo[n] koment vnd da wider vil guter lere von ertzneie vnd su[e]nderlich wider gegihte vnd von v[e]ber fu[e]lle vn[d] trv[n]kenheit vnd irn nachkome[n] brestenheit vnd daruf vil bispel der meister vnd ander guter rede vnd lere vnd auch von der trunken levte mangerlaye wise vnd leben vn[d] von merklichen spru[e]chen vn[d] auch von dem gute[n] worte bekenne dich selben vnd auch von den levten so sie growen vnd auch von de[n] pfennich predigern vnd swerende[n] levte[n] vn[d] dar nach vil rede vn[d] lere vn[d] mere von der v[e]berfu[e]lle (V. 9318).

.XXIII. Uon bo[e]ser gewonheit vnd vo[n] warer lere vnd d[er] werlde ma[n]gerleye ergerung vnd von den abtgo[e]ten vnd ein geschiht von einem tummen p[re]laten vnd von einem iungen torehten pferrerlein vnd von den wilden bo[e]sen gedanken der sich niemant niht wol erweren mak vnd daruf ein merklichiv geschiht vnd darnach von mangerley wunder daz got an himel vnd dar vnder geschaffen hat vnd auch dar uf vnd darnach vil guter spru[e]che vnd lere (V. 10625).

.XXIV. Von spil vnd spilern des luders bru[e]dern vnd ein geschiht vo[n] eine[m] luderer vnd auch von der spiler mangerlaye schedlicher tumpheit vnd auch von scheiben kugeln wurfzabel von mangerlay schantz d[er] wu[e]rfel spil von mutwille vnd vo[n] d[er] naht minne vnd weins vnmezzikeit vn[d] von den mergelhauben vnd pekelhuben vnd tratzem mute vnd darnach vil rede gut vnd darnach von tafel runnen Justiern vnd turniern vnd ein geschiht von zwein kempfen vnd von mangerlay sache da von d[er] mensch vellet in su[e]nden lache (V. 11253).

.XXV. Ein vor rede von der vnkevsch vnd von mangerlay vnnu[e]tzzen werken der vnkeu[e]sch vn[d] wa von die kumen vnd von vnkeu[e]schen vrauwen vnd vnsteten meiden vnd darnach hystorien vnd guter lere genuk vnd auch von der diemut lobe und ein mer von einer ebrecherinne vnd vnstetem weibe vnd von zu[o]htigen vnd erbern fravwen lobe vnd darnach aber von der vnkevsch in gesinde vnd hystorie[n] beyzeichen vnd lere genuk (V. 11727).

.XXVI. Ein rede gemeine niemans alleine von gotes vorhten von begnu[e]gung vnd liebunge der werlde gut von glihsenern von vnkust von gut vnd ere derwerben vnd daz gut fu[e]r gut ze haben si vn[d] von der heiligen schrift leren vnd vnlere[n] der lerer (V. 13219).

.XXVII. Ein gut vor rede da mit meyster hauk bescho[e]nt sines getihtes in disem buche hin vnd her rennen vnd darnach von zorn vnd von nide (V. 13899).

.XXVIII. Von kinder vnzuht vnd darnach vnd darv[e]ber gute lerhafte spru[e]che vnd gleichnu[e]sse genuk (V. 14895).

.XXIX. Ein hu[e]bschev rede von ligen vn[d] von triegen vnd von d[er] herre[n] gelu[e]bde irn armen dienern die si ufzihen so sie lengst mu[e]gen vnd dar auf guter spru[e]che vnd lere genuk (V. 15063).

.XXX. Aber von hazze zorn neid frazze vnkevsch vnd hoffart vn[d] von vberigem senen vnd vo[n] des tevfels reten dar ein vnd daruf hystorien vnd mere vnd spru[e]che genuk (V. 15549).

.XXXI. Ein vor rede den bo[e]sen schreib[er]n vnd vnrehten verstenern d[er] schrift der buche vnd auch von dises Buches getihte vnd dar nach von der lazheit vnd irem manicveltige[n] gesinde vnd von geitigen levten vn[d] anderre guter rede genuk (V. 15901).

.XXXII. Uon schulern vnd von pfaffe[n] wie sie lernen vnd leben vnd von der gramatigen vnde ander[er] ku[e]nste[n] vnd ein mere von eine[m] der Bihten vnd Mu[e]nch werden wolte vnd dar nach vil guter spru[e]che vn[d] lere vnd von des gelu[e]ckes rat vn[d] von lobe der kv[e]nste vnd der worte vnd der reime von schreiben vnd auch vor vnd nach vil gut[er] rede vnd lere mere (V. 16465).

.XXXIII. Ein velt rede gemeine lerber vnd niht vnnu[e]tzze (V. 18001).

.XXXIV. Von erbeitern vnd dienern vnd dar v[e]ber guter rede genuk (V. 18213).

.XXXV. Von vntreuwen die aller su[e]nden mu[o]ter ist vnd da vo[n] guter rede vnd lere genuk vnd daruf mangerlay hande tier geleichnu[e]sse genuk vnd vil spru[e]ch von de[n] pfe[n]ni[n]gen vnd wa von man auch eine[m] fremden paz gu[o]tes gan vnd daz herren vnd armer levte kint werden geborn geleich (V. 18605).

.XXXVI. Uon menschen tiern vogeln stein vnd brunne[n] natur vn[d] ir bedevtnu[e]sse dar uf (V. 19161).

.XXXVII. Uon den pirn auf dem gras vn[d] swaz auch die bedevten vnd von d[er] peihte vnd sele pflegern vn[d] tru[e]wenhende vnd sele gerete vo[n] vasten von peten von den sehs werke[n] der barmhertzikeit von einot vn[d] ander guter spr[e]ch vnd lere genuk (V. 20347).

.XXXVIII. Ein rede behalten iungen vnd alten von vrogen von v[e]ber heben sich von der hoffart wu[e]rkunge vnd von andern merkliche[n] dingen genuk vnd ab[er] von der geitikeit symonie vnd glihsenheit von valschen reden vnd zungen vnd von verdriezvnge dirre werlde lebens vnd von vnendlichen prist[er]n vnd von warer vnd valscher ere vnd von der helde vnd wepenern v[e]ppikeit vnd von des lobes wu[e]rkunge vn[d] ander gut[er] spru[e]che vnd lere genuk (V. 21171).

.XXXIX. Uon kriegen vnd von werren nahen vnd verren von Ru[e]ffianen von bo[e]sen listen vnd von der werlde mangerlay ergerung vo[n] tag ze tage an gewizzen an worte[n] an werken an geb[ae]rde an eiden an treuwen vnd an trakeit vn[d] an vngetat an gotes dinst an deu[o]be vn[d] ein mere von einem diebe vnd auch ander lerber rede genuk (V. 21821).

.XL. Ein rede gewer nieman swer vnd von verswigenheit rat levte schreiber vnd peihtiger vnd der fu[e]rsten poten vnd von v[e]beln wu[e]rkvnge[n] d[er] cleffischen zungen vnd von lobe vn[d] vnlobe der worte vnd der werke vnd auch von der kraft vnd von fu[e]mf puchstaben wirku[o]nge vnd gedo[e]ne von stimmu[n]g an allen sprachen vnd auch dar nach von manigerleye sprache vnd darnach von lobunge vn[d] wu[e]rkunge der go[e]tlichen vnd prediglichen worte vnd von der schrift lere vnd gu[e]tikeit vnd von lobe d[er] gelerten levte vnd genuk rede vo[n] der jares zit von sorgen seuchen laster armut vnd von bo[e]ser wibe missetat vnd von den die reuwe an daz ende sparn vn[d] auch vil guter lere vnd spruche genuk (V. 22121).

.XLI. Uon der wise der ersten werlde vn[d] vo[n] ordenu[n]g vnd scho[e]ne der neuwen werlde vnd daruf ein mere von einem freidigen man[n]e vn[d] warvmb manig lute su[n]de mide[n] vn[d] vo[n] vier ebten ein mere vn[d] ein mere von einem mu[e]nche vnd seinem krvge vnd auch auf des alters lauf vn[d] d[er] armut wu[e]rkvnge vnd von vier anligende[n] dinge[n] d[er] menscheit vn[d] von ir nevn venst[er]n vn[d] vo[n] lobe vnd vnlob der toten vnd vo[n] fru[e]nde[n] sich vn[d] vo[n] swindem getrehte vnd auch auf die werlt vn[d] des menschen leben gu[o]te sprüche vn[d] ein merkliche rede von einem vater vnd sinem sune vnd dar uf ein mere von de[m] tode vnd seinen vorboten vnd ab[er] ein merklich mere von einem h[er]ren der in ein closter fur durch got vnd dar nach aber gu[o]ter lere vnd sprüche genuk (V. 22743).

.XLII. Uon des menschen driueltig geburt vnd von der genade der zeit gu[o]te lerhafte spru[e]che vnd von dem worte trau[o]seinniht vnd von affen vn[d] pigmein vnd auch darnach vil guter spru[e]che auch der heilige[n] lerer vnd von eines kv[e]nges erbschaft vnd von sinen vier su[e]nen vn[d] von des menschen leben anvange vnd vzgang vnd wie meist[er] hauk sin rede beschleu[o]sset mit der vorede des buches anvanges vnd dar nach vo[n] dem iungsten tage vnd auch merklicher spru[e]che genuk vnd auch meister hauk entschuldigt sich an ditz buches vngetihte vnd nennet wan[n]e er si vnd wa von vnd war vz ditz buch getihtet si vnd pitt vch inneclichen daz man seiner sele gedenke fleizziclichen (V. 24085).

Und darv[e]mb pitte meist[er] michel von wirtzburch d[er] ditz buch also gecorrigirt rechtvertigt vn[d] capitulirt vnd geregistrirt hat zu gemeinem nutze vnd lere aller der die ditz buch lesen oder ho[e]ren lese[n] daz si mit im vnsern h[er]ren ihesum crist mit siner muter marien genediger aller su[e]nder fu[e]rsprecherinne inneclichen helfen biten daz sin vnmezzig barmhertzikeit Maister Havges sel durch siner guten lere vnd arbeit in sin himelisch frevde ewiclichen ruwen heizzen wo[e]lle. [Auch swelch mensch ditz buches frumen nimet daz sol maister hauges sele messe fru[e]mmen als er auch gebeten hat wan[n]e werlich ditz buches kuntschaft lert vil snelle der werlde kuntschaft].

Refert[ur] hec sub scripta fuisse capitularis hui[us] libri distincc[i]o[nes] p[er] ip[sum] m[a]g[ist]r[u]m hugonem desc[ri]pta q[ue]m p[re]fat[io] magister Michahel nec laudat nec uituperat et reliq[ui] ponderet vnusq[ui]sque.

Hec su[n]t capit[u]la hui[us] lib[ri] Primu[m] capitl[u]m de sup[er]bia de mulierib[us] de dominis de rusticis de semi nobilib[us].

Sec[un]d[u]m de cl[er]icis et monachis et ele[m]osinis et de trib[us] p[er]egrinis.

Terciu[m] de p[re]latis et s[e]c[un]da disti[n]cc[i]o de auaricia et hospitib[us] et r[ati]o per se et cet[er]a.

Q[ua]rtu[m] de organicis inst[ru]menti[s] et reb[us] aliis de p[re]donib[us] furib[us] et latronib[us].

Q[ui]ntu[m] de auaricia iudicib[us] iuristis et decimis theoloniis et de gula et c[etera].

Sextu[m] de bibolis t[er]cia distincc[i]o de lusorîb[us] et racio p[er] se.

Septimu[m] q[ua]rta distincc[i]o de luxuria et rac[i]o p[er] se q[ui] h[abe]t ecc[les]ia de sci[enti]is.

Octauu[m] de inuidia ira et aliis reb[us] et etiam q[ui]nta distincc[i]o ambarum.

Nonu[m] de accidia de scolarib[us] et r[ati]o per se et e[st] sexta et ulti[m]a distincc[i]o et cetera ut patet in libro.
[Letzte Seite]   [Nächste Seite]     oder direkt zurück zum Index
Administration: Henrike Lähnemann Zuletzt geändert am 07.07.2004